تەوەرێن کونفرانسی
ئێک/ تەوەرێ دەروونی: ڤەکۆلینێن زانستی ل دۆر دەستنیشانکرنا ڕەوشآ دەروونییا کەسانێن ئالۆدەبووی ب ماددەیێن بێهۆشکەر، هەروەسا ڕۆلێ نۆژدار و چارەسەرکار و ڕێنماکارێن دەروونی د چارەسەرکرنا تووشبوویێن ماددەیێن بێهۆشکەردا.
دوو/ تەوەرێ پزیشکی: ڤەکۆلینێن زانستی ل دۆر کارتێکرنا ماددەیێن بێهۆشکەر ل سەر ئەندامێن جەستەییێن مرۆڤی و گرنگییا ڕەوشەنبیرییا پزیشکی ژ بۆ کۆمەلگەهێ.
سێ/ تەوەرێ جڤاکی: ڤەکۆلینێن جڤاکی ل دۆر کارتێکرنا شێواز و ستایلێ ژیانا مرۆڤان ل سەر تووشبوونا ماددەیێن بێهۆشکەر، هەروەسا هۆکارێن ژینگەهی، دیسان ڕۆلێ خێزانێ د بەرهنگاربوونا تووشبوونا ماددەیێن بێهۆشکەر د ناڤ زارۆک و سنێلەیاندا.
چوار/ تەوەرێ ئابووری: ڤەکۆلینێن زانستی ل دۆر بازرگانییا ماددەیێن بێهۆشکەر و کارتێکرنا خراب ل سەر ژیانا خێزان و جڤاکی، هەروەسا ڤەدیتنا ڕێکێن چارەسەرییێ ژ لایێ زانستێ ئابووریڤە.
پێنج/ تەوەرێ یاسایی: ڤەکۆلینێن یاسایی ل دور ئەگەرێن تاوانێ ژ ئەنجامێ تووشبوونا ماددەیێن بێهۆشکەر، هەروەسا ڕۆلێ چاکسازییان د چارەسەرکرنا تووشبوویێن ماددەیێن بێهۆشکەردا، ژ لایەکێ دیتر شێوازێن سەرەدەریکرنێ و جیاوازییا د ناڤبەرا تووشبوویێ تێکچوونا ماددەیێن بێهۆشکەر و تاوانبارێ ژ ئەنجامێ تووشبوونا ماددەیێن بێهۆشکەر. دیسان ڕۆلێ دەزگەهێن حکۆمی د بەرهنگاربوونا بازرگانیکرن و تووشبوونا ماددەیێن بێهۆشکەردا.
شەش/ تەوەرێ پەروەردەیی: ڤەکۆلینێن پەروەردەیی ل دۆر شێوازێن پەروەردەیی یێن دبنە هۆکار ژبۆ بەلاڤبوونا ماددەیێن بێهۆشکەر د ناڤ جڤاکیدا و لێگەریانا ڕێکێن چارەسەریێن پەروەردەیی.